Yangiliklar – Bosh sahifa

“Vulkanogen-bo‘lakli jinslarini diagnostika qilish” mavzusidagi uslubiy qo‘llanma nashr etildi.

H.M. Abdullayev nomidagi Geologiya va geofizika instituti Ma’dan hosil bo‘lish jarayonlari laboratoriyasi ilmiy xodimlari tomonidan “Vulkanogen-bo‘lakli jinslarini diagnostika qilish” mavzusidagi uslubiy qo‘llanma nashr etildi.

Mazkur qo‘llanmada vulkanogen-bo‘lakli jinslarning fatsiyaviy tuzilishi, ularni aniqlash va tasniflash mezonlari, shuningdek vulkanik jarayonlarning genetik va strukturaviy xususiyatlari ilmiy tizim asosida yoritilgan. Qo‘llanma geologik tadqiqotlar olib borishda amaliy qo‘llanma sifatida xizmat qilishi bilan birga, mutaxassislar, yosh tadqiqotchilar va talabalar uchun muhim metodik manba hisoblanadi.

🔬 Ushbu nashr vulkanogen jinslarni o‘rganish, ularning hosil bo‘lish sharoitlarini aniqlash hamda geologik-qidiruv ishlarining samaradorligini oshirishga qaratilgan ilmiy ishlanmalarning navbatdagi natijasidir.

Vulkanogen bo’lakli jinslarni diagnostika qilish

Faollik, sport va bayram kayfiyati

Yaqinlashib kelayotgan 8-mart — Xalqaro xotin-qizlar kuni munosabati bilan Geologiya fanlari universiteti tizimosti tashkilotlari xotin-qizlari o‘rtasida sport musobaqalari tashkil etilmoqda.

Mazkur musobaqalarda H.M. Abdullayev nomidagi Geologiya va geofizika instituti jamoasi ham faol va munosib ishtirok etmoqda. Tadbir xotin-qizlar o‘rtasida sog‘lom turmush tarzini targ‘ib etish, jismoniy faollikni oshirish, jamoaviy ruhni mustahkamlash hamda jamiyatda ayollarning o‘rni va faolligini yanada kuchaytirishga qaratilgan.

🏆 Bunday tashabbuslar nafaqat sportni rivojlantirish, balki xotin-qizlarning ijtimoiy hayotdagi faolligini qo‘llab-quvvatlash va sog‘lom muhitni shakllantirishda muhim ahamiyat kasb etadi.

H.M. Abdullayev nomidagi Geologiya va geofizika institutida navbatdagi Ilmiy kengash yig‘ilishi bo‘lib o‘tdi.

Yig‘ilishda geologiya-mineralogiya fanlari doktori (DSc) ilmiy darajasini olish uchun Amirov Elmurod Mansuriddin o‘g‘li tomonidan tayyorlangan dissertatsiya ishi muhokama qilindi.

Dissertatsiya mavzusi:
“Auminza-Beltov va Sharqiy Bukantov tog‘lari magmatik hosilalari, ularning asl-nodirmetalli ma’dandorligi (Markaziy Qizilqum)”
Ixtisoslik: 04.00.03 – “Geotektonika va geodinamika. Petrologiya va litologiya”

🔬 Muhokama jarayonida dissertatsiya ishining ilmiy yangiligi, amaliy ahamiyati hamda Markaziy Qizilqum hududining magmatik va metallogenik xususiyatlarini o‘rganishdagi o‘rni atroflicha tahlil qilindi. Ilmiy kengash a’zolari tomonidan ish yuzasidan fikr-mulohazalar va tegishli tavsiyalar bildirildi.

🎓 BUYUK OLIMNING YUBILEYI

O‘zbekiston geologiya ilmiy hamjamiyati joriy yilda geologiya-mineralogiya fanlari doktori, professor, yetuk olim Aleksandr Yevgenevich Antonovning 85 yillik yubileyini keng nishonlamoqda.

Professor Antonov o‘zining oltmish yildan ortiq ilmiy va amaliy faoliyati davomida mamlakatimizning mineral-xomashyo bazasini mustahkamlash, oltin, rangli va nodir metallar konlarini prognozlash hamda geologik jarayonlarni ilmiy asosda tahlil qilishda beqiyos hissa qo‘shdi. Uning Chotqol–Qurama zonasi, Janubiy Tyanshan va Qizilqum mintaqalarida olib borgan tadqiqotlari yurtimiz geologiyasining rivojiga mustahkam ilmiy poydevor bo‘ldi.

Bugun ham professor Antonov ilmiy faoliyatini davom ettirib, yosh mutaxassislarni tarbiyalash, zamonaviy geologik tadqiqot yo‘nalishlarini rivojlantirishda faol ishtirok etmoqda.

Ustoz olimni 85 yillik muborak yoshi bilan tabriklaymiz va unga mustahkam sog‘lik, uzoq umr, ilmiy baraka va farovonlik tilaymiz!
Uning ilmiy merosi va fidoyiligi kelajak avlodlar uchun ibrat bo‘lib qolaveradi.

Dastur

Tayanch doktorantlar bilan seminar tashkil etildi

Tayanch doktoranturaning 1-bosqichiga qabul qilingan tadqiqotchilar bilan seminar tashkil etildi. Seminar davomida tadqiqotchilarning dissertatsiya mavzulari, yakka tartibdagi ish rejasi hamda metodologik dasturlar bilan bog‘liq masalalar muhokama qilindi.

Ishtirokchilarga ilmiy tadqiqotlarni samarali rejalashtirish, dissertatsiya ishini bosqichma-bosqich amalga oshirish va metodologik yondashuvlarni to‘g‘ri tanlash bo‘yicha batafsil tushuntirishlar berildi hamda tadqiqotchilarni qiziqtirgan savollarga atroflicha javoblar qaytarildi. Seminar yosh ilmiy izlanuvchilarning ilmiy faoliyatini tizimli tashkil etishga xizmat qildi.

1 2 3 … 13 Next page