Kechirasiz, bu ma’lumot quyidagi tillarda English da mavjud.
Tog’-kon va geologiya sohasi xodimlari malakasini oshirish instituti DM da Notiqlik kursi malaka oshirish kurslari bo‘lib o‘tmoqda.
Kurslarda: H.M.Abdullayev nomidagi Geologiya va geofizika instituti xodimlari ishtirok etib, notiqlik bo’yicha malakasini oshirishmoqda.
“Markaziy Osiyoning barqarorligini mustahkamlashda kriosfera qatlamlarini baholash uchun mintaqaviy hamkorlikni ta’minlash orqali mamlakatlar tizimlari va barqaror rivojlanishining integratsiyalashgan usullarini ishlab chiqish va iqlim o‘zgarishiga moslashish”
8-9 oktyabr kunlari Turkmanistonning Ashxobod shahrida YUNESKOning Olmaotadagi vakolatxonasi tomonidan YUNESKO/GEF/BMTD loyihasi doirasida “Markaziy Osiyoning barqarorligini mustahkamlashda kriosfera qatlamlarini baholash uchun mintaqaviy hamkorlikni ta’minlash orqali mamlakatlar tizimlari va barqaror rivojlanishining integratsiyalashgan usullarini ishlab chiqish va iqlim o‘zgarishiga moslashish” mavzusida seminar bo’lib o’tmoqda.
Unda: H.M.Abdullayev nomidagi Geologiya va geofizika instituti Glyatsial geologiya markazi ilmiy hodimi Mamirov Xalimjon Alimovich «Kriosferaning O’zbekiston ekotizimiga, iqtisodiyotiga va rivojlanishiga ta’siri» mavzusidagi ma’ruzasi bilan ishtirok etmoqda.
Seminarning maqsadi: Markaziy Osiyodagi iqlim o‘zgarishi hamda suv resurslari bilan bog‘liq muammolarni muhokama qilish, milliy manfaatlarni hisobga olgan holda ushbu muammolarni hal qilishga qaratilgan.
3-4 oktyabr kunlari Mongoliyaning Ulan-Bator shahrida «Energetika o‘tishi uchun muhim xom ashyolarni barqaror ishlab chiqarish amaliyotlarini rivojlantirish: qidiruv ishlaridan to ishlab chiqarish, yopish va rekultivatsiyagacha» mavzusida xalqaro seminar bo’lib o’tdi.
Unda: H.M.Abdullayev nomidagi Geologiya va geofizika instituti direktori Xoliqov Azimjon Babamuratovich «O‘zbekiston Respublikasining strategik mineral xomashyosi: manbalar va bozorlarni diversifikatsiyalash» mavzusidagi ma’ruzasi bilan ishtirok etdi.
BMTning Osiyo va Tinch okeani uchun Iqtisodiy va ijtimoiy komissiyasi (ESKATO) hamda BMTning Yevropa iqtisodiy komissiyasi (BMT) tomonidan birgalikda boshqarilayotgan ushbu tashabbus, a’zo davlatlarga, jumladan Mo‘g‘ulistonga, muhim xomashyo ishlab chiqarish uchun barqaror amaliyotlarni yaratishda ko‘maklashishga qaratilgan.
Shuningdek, seminar qatnashchilari «Tog‘-kon sanoati haftaligi» ko‘rgazmasiga tashrif buyurishdi.
1-oktyabr – Ustoz va murabbiylar kuni
30 sentyabr kuni Geologiya fanlari universitetida 1-oktyabr – Ustoz va murabbiylar kuni munosabati bilan bayram tadbiri bo‘lib o‘tdi.
Tadbirni universitet rektori Maqsud Isoqov ochib, universitet hamda ilmiy tadqiqot institutlarida faoliyat yuritayotgan professor-o‘qituvchilar, ilmiy xodimlarni Tog‘-kon sanoati va geologiya vazirligi, universitet ma’muriyati nomidan samimiy muborakbod etdi.
Bayram munosabati bilan bir guruh fidoyi professor-o‘qituvchilar faxriy yorliq va esdalik sovg‘alar bilan taqdirlandilar.
Jumladan:
H.M.Abdullayev nomidagi Geologiya va geofizika instituti direktori Xolikov Azimjon Babamuratovich FAXRIY YORLIQ;
GFU professor o’qituvchilari, institut ilmiy xodimlari Mamarozikov Usmonjon Davronovich hamda Abduazimxodjayev Aziz Nodir o’g’li Oliy ta’lim fan va innovatsiyalar vazirligi TASHAKKURNOMA bilan
taqdirlandi.
Barcha ustozlarimizni 1-Oktyabr – Ustoz va murabbiylar kuni bilan mubarakbod etamiz!!!
