Category Archives: Conferences

H.M. Abdullayev nomidagi Geologiya va geofizika instituti tomonidan akademik I.H.Hamraboyevning 105 yilligi va akademik F.A. Usmonovning 90 yilligiga bag‘ishlanib o‘tkazilayotgan “Geologiya, petrologiya va metallogeniyaning fundamental va amaliy muammolari” mavzusidagi ilmiy-amaliy anjuman doirasida 35 yoshgacha bo‘lgan ishtirokchilar uchun quyidagi nominatsiyalar bo‘yicha tanlov e’lon qilinadi:

🏆 Eng yaxshi tezis

🎤 Eng yaxshi ma’ruza

🖼 Eng yaxshi poster taqdimoti

🌟 Eng faol ishtirokchi ayol

📌 Tanlovning maqsadi — geologiya sohasidagi yosh tadqiqotchilarning ilmiy faolligini oshirish, innovatsion g‘oyalarni ilgari surish va iqtidorli yoshlarni munosib rag‘batlantirishdir.

G‘oliblar diplom va esdalik sovg‘alari bilan taqdirlanadi.

➡️➡️➡️ Anjuman haqida batafsil: https://t.me/GGI_rasmiy/3908

📚 Ilm-fan sari dadil qadam tashlang va o‘z salohiyatingizni namoyon eting!

H.M. Abdullayev nomidagi Geologiya va geofizika instituti jamooasi barcha ilm ahli, yosh tadqiqotchilar va soha mutaxassislarini “Geologiya, petrologiya va metallogeniyaning fundamental va amaliy muammolari” mavzusidagi xalqaro ilmiy-amaliy konferensiyada ishtirok etishga chorlaydi.

Mazkur konferensiya akademik I.H.Hamraboyevning 105 yilligi va akademik F.A. Usmonovning 90 yilligiga bag‘ishlanib, ularning geologiya fanidagi boy ilmiy merosini yangi izlanishlar bilan davom ettirishga xizmat qiladi.

Bu ilmiy uchrashuv yangi g‘oyalar, tadqiqot yo‘nalishlari va xalqaro hamkorlik uchun muhim platforma bo‘lib xizmat qiladi.

Ilmga e’tibor – barqaror taraqqiyot yo‘lida qo‘yilgan ishonchli qadamdir!